بسم الله الرحمن الرحيم
السلام عليكم ورحمة الله وبركاته
بعد عناء الامتحانات والانقطاع عن الطلعات والبر كان لابد من الترويح النفسي خصوصاً اني عانيت حرب نفسية من الشباب ما كثرت طلعاتهم الا يوم انشغلت كل يوم متصلين هاه نمرك طالعين والثاني يتصل ابشرك صدنا ويرسل وسائط فكان لابد من نقاهه بريه قلت يا ولد مايبي لها واتصل على ربع لي هاه علوم الديرة عندكم قالوا ما يحتاج حياكم الله وعاداتهم الكرم فكان هذا التقرير اللي حبيت تستمتعون فيه بها المناظر امل ان ينال اعجابكم
ملعومات الرحلة
الوجهة: العظيم - ابضة - الجحفة
توقيت الرحلة: يوم الاربعاء الساعة الثانية ظهراً الموافق 19-21/2/1431هـ
العودة يوم الجمعة على صلاة العشاء
اعضاء الرحلة: ابوفيصل - ابوجراح - ابوحسين - الطنايا
( شمر هل الطولات وابليس ملعون
والشاهد الله والعبي يا حمــــــامة )
بيت ٍ وغنيته مع اللي يغنــّــــــــــون
وحطيته براس القصيدة علامــــــــة
شمّر هل الطولات يعني يطولــــــون
اعلا بروج المرجلة والزعامـــــــة
شمّر وبهجة خاطري يوم يطــــرون
وبشاشة بيوت القصيد ووسامــــــه
شمّر طنا..نخوة..شجاعة..كرم..عون
شمّر رحــــابة صدر .. شمّر شهامة
يوم الكرم فيه القبـــــــــايل يمارون
شمّر هم ملوكه وذروة سنـــــــــامة
كن الكرم بأسم السناعيس مقــرون
لا قال من شمّر ذكرت الكــــــــرامة
سمعت يوم الجوع مبطي .. يقولون
طعام جار الشمري من طعامــــــــه
ويوم الغزو والوضع ماهوب هاللون
اكبر غنايم من غزوه السلامـــــــة
قوم ٍ لهم بالمجد اساسات وركــــون
من خلقت الدنيا ليوم القيامـــــــــــة
والله وسبع انعام لو مايكفّـــــــــون
خطوا الزّحول معاديين الرخــــــامة
احبهم في ذمتي " حب مجـــــنون "
والله يلعن من كذب في كلامـــــــــه
ياطير خذ هذي لحايل وممـــــــــنون
مع خافق الشاعر وغالي سلامــــه
قل قالها من قلب وابليس ملـــــعون
مدح ٍ بشمّر .. والعبي ياحمامــــــــة
الشاعر / تركـــي المورقي العتيبي
كانت بداية الرحلة الانطلاق من القصيم والوعد مع الشباب محطة العظيم قابلنا الشباب وسلمنا عليهم وصلينا العصر بالمحطة وبدأت الرحلة
الاتجاه شمالاً من جبال ابا اللقاح شمال شرق هجرة الشرثة
الدليلة في المقدمة
ابو حسين راعي نفود يعجبك
بداية الدخول بين الجبال واماكن مكشات رائعة
وش رايكم بالربيع
الله يديم الخير
قايل لك نبي نمسح القزاز
اي واحد ما يلتزم بالنظام ابجلده بها العصا
اهم شي النظام
من يبي يتمشى بها المرباع
جلسة سمر وشبة نار ووناسة
حلاة البر القومة بدري قلت باخذ جولة في الموقع واخذ للشباب كم صورة وهو عندنا اغلى من عاشق الترحال تستاهلون
الربيع بالضلع
هذا معزابنا طبعا ما فيه حاجة للثلاجة الجو برد
2 نفر سوي نوم
فاكهة الشتاء
الحين نقول ربعنا تمر وزبد الله يجود على اهل الجود
منظر اخر
متعة نظر ما مثلها شافت العين
ابومحمد وش عندك هناك
لا حول ولا قوة الابا لله وش فيه جاه
اهم شي الذرا
محاولات بالتصوير الارضي اعدونا بعض ناس
شرايكم بربيع الضلع
صادوه...
هذولا صاحين متأخرين حتى على الفطور
بعد الفطور قررنا نغير الموقع ونغدي بمحل ثاني الديرة ربيع قلنا نبي نتمشى وناخذ جولة بالمنطقة ويذكرون حولنا فقع ( كمأة ) قلنا نبي ندورة
انطلقنا ونظرة من الباشا
مد نظرك بها الربيع
شرايكم وين نروح ؟
فيه شي...؟
وش فيه ابومحمد...؟ اصبروا فيه صيد
تولموا...يا اهل الاكستريما 2
والثاني من الجهة الاخرى
توكلوا على الله...
مغامرة بسيطة ما الله قسم منها شي
ابوحسين وش عندهم الشباب بروس هالسمرة ؟
مدري شرايك نبي نقرب لهم ونشوف
نقرة قفاة
هكذا يسمونها وهي في الحقيقة فوهة بركانية مثل الهتيمة وتستطيع النزول اليها بالسيارة..
النزول لداخل النقرة
الصعود من النقرة والانتقال الى موقع اخر
شعيب المنشرح
رادمية ابضة
الشباب يبحثون عن الكمأة وانا استغليت فالفترة بكم صورة بعدين توسدت لي حصاة وغفوة ولا احلى
ما حصلنا شي قلنا نبي نغير المحل لموقع اخر
جبال سلمى
مناظر جميلة وشوفوا ما شاء الله النخل فوق الضلعان
سد مياة على طريق الشنان طابة
الاستفادة من مصبات المياة بزراعة النخيل طريقة قديمة تكثر في المناطق الجبلية بسبب عدم توفر الابار
وين رايحين
ومن يتهيب صعود الجبال
قلتة ماء
التوثيق مهم
وش هالمكان شكله حلو...
خلونا نستكشفة
تابعونا واستمتعوا
مناظر بديعة
ما شاء الله المزرعة مربعة
اول الطريق
جلسة ولا اروع في هال المزرعة
طرق وعرة واللي يشوف الصور مو مثل اللي بالسيارة
الديرة جايها مطر قبل يومين ومناظر من صنع الخالق عز وجل
نكمل المسير
وعر
نخل بعيد تنزل له نزول
مزرعة مميزة راعيها متفنن بالبناء
تابعونا.... فما زال للجمال بقية
« آخـــر الـــمـــشـــاركــــات »
رحلة الباشا فيصل الربيعية تقرير بدون فواصل
رد: رحلة الباشا فيصل الربيعية تقرير بدون فواصل
العرض العادي
